អភិបាលស្រុកស្ទោងណែនាំដល់អាជ្ញាធរភូមិឃុំត្រូវតាមដាននិងយកចិត្តទុកដាក់លើកជីវភាពពលរដ្ឋដែលកំពុងរងផលប៉ះពាល់ពីទឹកជំនន់

AKPកំពង់ធំ ថ្ងៃទី៣០ខែកញ្ញាឆ្នាំ២០២៦--លោកសាយ គឹមឡមអភិបាលស្រុកស្ទោងណែនាំដល់អាជ្ញាធរភូមិឃុំត្រូវតាមដាននិងយកចិត្តទុកដាក់លើកជីវភាពពលរដ្ឋដែលកំពុងរងផលប៉ះពាល់ពីទឹកជំនន់ក្នុងឱកាសដែលលោកនិងសហការីអញ្ជើញចុះជួបសំណេះសំណាលសួរសុខទុក្ខនិងឧបត្ថម្ភស្បៀងសង្គ្រោះបឋមដល់ពលរដ្ឋងាយរងហានិភ័យដែលកំពុងជួបគ្រោះទឹកជំនន់នៅក្នុងភូមិត្នោតឃុំកំពង់ ចិនជើងស្រុកស្ទោងខេត្តកំពង់ធំកាលពីរសៀលថ្ងៃទី២៩ខែកញ្ញាឆ្នាំ ២០២៦។

លោកអភិបាលស្រុកបានណែនាំដល់អាជ្ញាធរភូមិឃុំត្រូវតាមដានយកចិត្តទុកដាក់និងធ្វើបច្ចុប្បន្នភាពជាក់ស្ដែងពីស្ថិតិពលរដ្ឋដែលកំពុងរងផលប៉ះពាល់ដោយសារទឹកជំនន់ដែលកំពុងបន្តយារយីរដល់ស្រុកស្ទោងឱ្យបានជាក់លាក់បំផុតជាពិសេសត្រូវធ្វើសំណើសុំស្បៀងឧបត្ថម្ភគាំទ្រទៅរដ្ឋបាលស្រុកស្ទោងនិងក្រុមការងារដើម្បីចុះជួបនឹងជួយឧបត្ថម្ភសង្គ្រោះបានទាន់ពេលវេលាក្នុងស្ថាន ភាពដែលទឹកពុំទាន់ស្រកនៅឡើយ។

ជាមួយគ្នានេះដែរលោកអភិបាលស្រុកបានអំពាវនាវដល់ពលរដ្ឋគ្រប់គេហដ្ឋាន ត្រូវមានការប្រុងប្រយ័ត្នខ្ពស់ពីបញ្ហាផ្សេងៗដូចជាការរំខានពីសត្វអសិរពឬបញ្ហាឆ្លងចរន្តអគ្គិសនីព្រីភ្លើងដែលនៅទាបៗ ជាពិសេសត្រូវចេះថែរក្សាសុខភាពឱ្យបានល្អរឹងមាំនិងថែរក្សាការពារកូនចៅឱ្យបានហ្មត់ចត់និងសុវត្ថិភាពកុំឱ្យចុះលេងទឹកផ្ដេសផ្ដាសដែលអាចនឹងមានការលង់ទឹកជាយថាហេតុ។

សូមបញ្ជាក់ថាការឧបត្ថម្ភស្បៀងនៅ ពេលនេះគឺឧបត្ថម្ភជូនពលរដ្ឋចំនួន១២ គ្រួសារក្នុង១គ្រួសារៗទទួលបាននូវ អង្គចំនួនរ១បេគ្រឿងឧ បភោគបរិភោគមួយចំនួននិងថវិកាចំនួន២ម៉ឺនរៀល៕

ដោយ៖ ស៊ុមមវណ្ណា